45 godina KUD-a “Ljubo Božanović” iz Pipera – “Piperski śednik”

 

 

Kulturno – umjetničko društvo “Ljubo Božanović” iz Pipera prirediće svečani koncert u poneđeljak, 2. aprila 2018. godine, u Velikoj sali KIC-a “Budo Tomović” od 19 sati.

             U okviru proslave jubileja biće promovisna i monografija KUD-a o brojnim generacijama koje četiri i po decenije, od zaborava, čuvaju stare igre i pjesme naših predaka, njeguju jedinstveni način izvođenja tradicionalnih igara bez instrumentalne pratnje (a cappella). Na programu su igre i pjesme iz Pipera i Crne Gore.

            Na svečanosti u KIC-u će biti uručena i prigodna priznanja zaslužnim članovima i prijateljima KUD-a.

            Kulturno – umjetničko društvo iz Pipera je osnovano 1972. godine u Piperima. Dobitnik je brojnih prestižnih nagrada i priznanja za uspješno afirmisanje kulturne baštine i tradicije.