“A Tempo” – program za 25. april

PONEDJELJAK, 25. april

Velika scena CNP u 20 časova

 

Vatromet udaraljki

VIA NOVA

Salzburg percussion trio

Austrija

*U saradnji sa Ambasadom Austrije

Georgi Varbanov

Johanes Eder

Rupert Štruber

 

 

Program:

Matijas Šmit: Ghanaia

Narodna: Gornodikansko Horo /Arr. VIA NOVA/

Narodna: Tri pjesme sa južnih  planina /Arr. VIA NOVA/

VIA NOVA:  Restoran na putu za Istanbul

Nebojša Јovan Živković: Trio za jedno

Volfgang Rejfender: Valcer u Lincu

Narodna:  Čudesna milost / Arr. VIA NOVA

Endi Pape: KaDenca

Astor Pjacola: Libertango /Arr. VIA NOVA/

Tieri de Mej:   Muzika stola

Minoru Miki: Spiritualna Marimba

 

VIA NOVA, trio udaraljki internacionalnog sastava, osnovan u Salzburgu, od svog imena je načinio program; od samog početka mladi muzičari žele svojim instrumentima da istraže nove puteve, kako bi podigli svijest o zvučnim mogućnostima često podcjenjivanih udaraljki.

Za vrijeme televizijskih i radio izvođenja na MDR-a i ZDF-a, SWR i Ö1, i na bezbrojnim koncertima, umjetnici su osvojili publiku i kritičare velikih festivala kao što su Festival Echternach, Salzburg Festival, Carinthische Sommer, Les muséiques (Switzerland), Chamber Music Weeks of Sofia,  Finca Festival Gran Canaria, Musicastello (Italija), Taipei International Percussion Convention, Hong Kong Drum Festival, uvjerivši ih u svoj izuzetan talenat. Bilo sa horom, orkestrom, instrumentalnim ili vokalnim solistima, ili samostalno, ansambl iznova uspijeva da impresionira publiku zahvaljujući svom osjećaju za najrazličitije stilove i svom snažnom prisustvu na sceni.

Ansambl Via Nova uvijek ostaje vjeran svom imenu, međutim, oni stalno proširuju repertoar kroz naručene kompozicije i zahtjevne aranžmane.

Luxemburger Wort napisao je o izvođenju Bahove Fuge br. 20 iz Dobro temperovanog klavira, Vol 1, da je “praktično nemoguće bolje svirati Baha na udaraljkama”. Via nova je takođe tražen partner za projekte koji kombinuju različiti umjetnički izrazi: radili su sa kompozitorima Stivom Raihom, Minasom Borbudakisom, Moricom Egertom, Eduardom Demecom i Herbertom Graslom i fotografom Konradom Laimerom.

 

Još od svoje šeste godine Georgi Varbanov je znao da će u budućnosti imati veze sa udaraljkama. Sa samo sedam godina, kao najmlađi učesnik, osvojio je nagradu na najvažnijem bugarskom nacionalnom takmičenju Obretenov Provadia 1988,  nakon čega je uslijedilo 20 nagrada sa različitih nacionalnih i međunarodnih takmičenja tokom studija na Muzičkom koledžu u Plevnu, Državnoj muzičkoj akademiji u Sofiji, Rihard Štraus konzervatorijumu u Minhenu, i Mozarteum Univerzitetu u Salzburgu, među kojima se ističu dvije prve nagrade na Međunarodnom takmičenju udaraljki Pendim 1999. i 2005, nagrada Kulturkreis Gastaiga u Minhenu 2003, kao i prva nagrada, uključujući dvije specijalne nagrade, na međunarodnom takmičenju udaraljki u Luksemburgu 2005, zajedno sa grupom Via Nova.

Georgi Varbanov je takođe aktivan kao kompozitor. Igra za bubnjeve, koji je komponovao u saradnji sa Aleksandrom Kamenarovim, Via Nova grupa perkusionista već je izvodila u Japanu, Tajvanu, Njemačkoj, Austriji, Italiji i Švajcarskoj.

 

 

 

 

Johanes Eder je najmlađi član Via Nova grupe. Specijalizovao se za oblast nove i eksperimentalne muzike. Nakon što se pridružio klasi Petera Sadloa u Mozarteumu u Salzburgu, ubrzo je postao redovan član austrijskog ansambla za novu muziku, Österreichisches Ensemble für Neue Musik (ÖENM).

Pored toga, redovno nastupa sa Camerata Salzburg i Mozarteum Orkestrom Salzburg. Među umjetnicima sa kojima je radio u oblasti kamerne muzike su između ostalih: Adriana Holski, Gidon Kremer, Mario Brunelo, Peter Sadlo, Justus Franc kvartet. Godine 2007. osvojio je nagradu na Međunarodnom takmičenju udaraljki.

 

 

 

 

 

 

 

 

Rupert Štruber smatra se najinteresantnijim multi-perkusionistom nove generacije Austrije. Nakon početnog obrazovanja u muzičkoj školi i uspješnog diplomiranja na Hallein High School, njegov poseban dar vodi ga do Mozarteum Univerziteta u Salzburgu gdje je studirao sa Peterom Sadlom.

Posebno je zainteresovan za kombinaciju individualnih udaraljki i proučavanje rezultirajućih zvukova. Veliki broj nastupa kao solista, kamerni i muzičar u  orkestru zajedno sa Adrianom Holski, Gidonom Kremerom, Mariom Brunelom i Peterom Sadlom učinili su ga veoma poznatim i traženim umjetnikom.